लहू चव्हाण, पाचगणी. स्वच्छतेच्या राष्ट्रीय स्पर्धेत पांचगणीचा देशात डंका! ‘सुपर स्वच्छता लीग’मध्ये २० हजारांपेक्षा कमी लोकसंख्या गटात देशात प्रथम क्रमांक; राष्ट्रपती द्रौपदी मुर्मू यांच्या हस्ते उद्या गौरव… पांचगणी, ता. १० : आपल्या निसर्गसौंदर्याची ओळख जपतानाच स्वच्छतेचा आदर्श देशासमोर ठेवणाऱ्या पांचगणी गिरिस्थान नगरपरिषदेने राष्ट्रीय स्तरावर पुन्हा एकदा ऐतिहासिक यश संपादन केले आहे. केंद्र सरकारच्या ‘स्वच्छ सर्वेक्षण २०२५’ अंतर्गत प्रथमच आयोजित करण्यात आलेल्या प्रतिष्ठेच्या ‘सुपर स्वच्छता लीग’ स्पर्धेत २० हजारांपेक्षा कमी लोकसंख्या गटात पांचगणी नगरपरिषदेने संपूर्ण देशात प्रथम क्रमांक पटकावला आहे. या अभूतपूर्व यशामुळे पांचगणीच्या शिरपेचात आणखी एक मानाचा तुरा रोवला गेला असून, या राष्ट्रीय बहुमानाबद्दल महामहिम राष्ट्रपती द्रौपदी मुर्मू यांच्या हस्ते उद्या, बुधवार (ता. ११) रोजी नवी दिल्ली येथील विज्ञान भवनात नगरपरिषदेचा गौरव करण्यात येणार आहे. केंद्र शासनाने स्वच्छतेच्या क्षेत्रात सातत्यपूर्ण